Никитон 25 жилийн ойн тоглолт эхлээд байна

2019 оны 06 сарын 29
Никитон 25 жилийн ойн тоглолт эхлээд байна

Улаанбаатар /МОНЦАМЭ/. Монголын рок попын ертөнцөд өөрийн гэсэн өнгө төрхтэй “Никитон” хамтлагийн 25 жилийн ойд зориулсан тоглолт Төв цэнгэлдэх хүрээлэнд эхлээд байна.

Тоглолт 12.00 цагаас шөнийн 00.00 цаг хүртэл 12 цаг үргэлжлэх юм. Тоглолтод "Харанга" хамтлаг, Гавьяат жүжигчин, дуучин Б.Сарантуяа, Т.Ариунаа, С.Наран, “Камертон”, “Нисванис”, “Хар Сарнай”, “A-Sound”, “Fire”, “The Lemons” хамтлаг, дуучин С.Сэрчмаа, Б. Амархүү, Ука, Ана, хийлч Дээгий оролцох бөгөөд шилдэг DJ нар сор бүтээлээсээ толилуулж байна.

Тоглолтын үнэ 10 мянган төгрөг бөгөөд Төв цэнгэлдэх хүрээлэнд буй цэгүүдээс шууд худалдан авах боломжтой.

Энэ үдэш тус хамтлагийн “Аяны шувууд”, Үүлэн үст”, “Хөөрхөн хүүхэн”, “Цамцаа тайл”, “Чи минийх”, Хос хунгийн дууль”, “Янаг цэцэг”, “Халуун элгэн нутаг” зэрэг шилдэг 25 дуу эгшиглэхээс гадна Монголын рок попын оддын хит дуунуудыг нэгэн тайзнаас сонсох ховор боломж ийнхүү тохиож байна.

"НИКИТОН-25" тоглолтод:

12:00 DJ Sel

12:30 Billy's Band

13:00 Fire

13:30 Б.Амархүү

14:00 A Sound

14:30 Дээгий

15:00 The Lemons

15:30 Шар айраг

16:00 С.Сэрчмаа

16:30 Нисванис

17:00 Ж.Алтанцэцэг

17:30 Д.Уламбаяр /Ука/

18:00 Люмино

18:30 Хар сарнай

19:00 Б.Сарантуяа

19:30 Камертон

20:00 Соёл-Эрдэнэ, Өргөө, Хөх тэнгэр

20:30 С.Наран

21:00 Т.Ариунаа

21:30 Харанга

22:00 Н И К И Т ОН

Мэдээний талаар?

Онцлох мэдээ:

Сэтгэгдэл бичих:

Нэмэх