Хоол хийх дуртай хоригдол од болов

2020 оны 05 сарын 25
Хоол хийх дуртай хоригдол од болов

АНУ-ын Калифорни мужийн нэгэн хорих ангийн хүмүүжигч хоолны блог хөтлөх болсноор цахим ертөнцийн од болжээ.

Хүн амины хэрэг үйлдэж, бүх насаараа хоригдох ялаар шийтгүүлсэн 31 настай Жерон Комбс нь TikTok-д @blockboyjmomey нэрээр блог ажиллуулдаг аж. Түүний энэхүү цахим хаяг хэдийнэ 1,3 сая лайк цуглуулаад амжсан төдийгүй хамгийн “лаг” бичлэгийг нь 5,4 сая удаа үзсэн байна.

Комбс шоронгийн камертаа гарын доорх зүйлсийг ашиглан хоол хийдэг аж. Эвдэрхий бичил долгионы зуух болон төмөр орыг ашиглан грилль хийж мах шарах жишээтэй.

Өөрийн гараар хийсэн хоол амттай санагддаг тул хоол хийх урлагт шамдан суралцах болсон түүний хамгийн чадварлаг хийдэг хоол нь буррито гэнэ.


Онцлох мэдээ: