“Онцгой нэгэн”-ий олиггүй үзүүлэлт

2020 оны 02 сарын 20
“Онцгой нэгэн”-ий олиггүй үзүүлэлт

Урд шөнө болсон Аваргуудын лигийн хасагдах шатны тоглолтод Лондоны “Тоттенхэм” баг өөрийн талбай дээрээ Германы “Лайпциг”-т (0:1) ялагдсан байна.

Лондоны багийн ахлах дасгалжуулагч Жозе Моуринью Аваргуудын лигийн хасагдах шатанд 2014 оноос хойш хожил байгуулж чадахгүй яваа хар цувралаа ийн үргэлжлүүллээ.

Португал мэргэжилтэн энэ хооронд “Челси”-г дасгалжуулан дөрвөн тоглолт, “Манчестер Юнайтед”-тай хоёр тоглолт, “Тоттенхэм”-тэй нэг тоглолтыг хийсэн ч хожил байгуулж чадаагүй л явна.

“Онцгой нэгэн” хамгийн сүүлд 2014 оны дөрөвдүгээр сард Аваргуудын лигийн хасагдах шатанд ялалт байгуулж байжээ. Түүний удирдсан “Челси” баг тухайн үед Францын “Пари Сен Жермэн”-ийг 2:0-ээр буулган авч байсан юм.

Эх сурвалж www.wikimon.mn


Онцлох мэдээ: