Билли Айлиш “Оскар”-ийг “доош хийв”

2020 оны 02 сарын 17
Билли Айлиш “Оскар”-ийг “доош хийв”

18 настай залуу од, дуучин Билли Айлиш (Billie Eilish) хэд хоногийн өмнө болсон “Оскар”-ын шагнал гардуулах ёслолын тайзан дээр анх удаагаа гарч мэндчилгээ дэвшүүлсэн билээ. Гэхдээ дуучин бүсгүй энэхүү явдалд сэтгэл дундуур байгаа гэнэ.

Тэрбээр ахынхаа хамт алдарт “Битлз” хамтлагийн “Yesterday” дууг дуулж сонирхуулсан бөгөөд саяхан ертөнцийн мөнх бусыг үзүүлсэн нэрт жүжигчин Кирк Дуглас болон сагсан бөмбөгчин Коби Брайант нарын дурсгалд зориулж байгаагаа мэдэгдсэн.

Танхимд байсан алдартнууд дуучин бүсгүйн үзүүлбэрийг алга ташин хүлээн авсан ч Билли өөртөө сэтгэл хангалуун бус байсан гэнэ.

“Тайзан дээр гараад миний дотор муухай оргисон учраас би олигтой дуулж чадаагүй. Аймшигтай... Тэрхүү арга хэмжээн дээр “миний үзэгчид” байгаагүй” гэж Айлиш New Music Daily-гийн сэтгүүлчид ярьжээ.

Харин “Грэмми”-н шагнал гардуулах ёслол түүнд ихэд таалагдсан гэдгийг нэмж хэлсэн байна. Учир нь зочид, үзэгчид бүгд түүнтэй нэгэн адил дуу хөгжмийн талын хүмүүс, таньдаг хүмүүс олон байсан нь түүнд ийм тааламжтай мэдрэмжийг өгсөн байна.

Эх сурвалж www.wikimon.mn


Онцлох мэдээ: