НҮБ Саудын Арабад болсон халдлагыг мөрдөн шалгана

2019 оны 09 сарын 19
НҮБ Саудын Арабад болсон халдлагыг мөрдөн шалгана

Өнгөрсөн бямба гарагт Саудын Арабын нефтийн байгууламжуудад гарсан халдлагыг мөрдөн шалгах зорилгоор шинжээчдийн баг илгээсэн гэж НҮБ-ын Ерөнхий нарийн бичгийн дарга Антонио Гутерреш мэдэгджээ.

А.Гутеррешийн лхагва гарагт сэтгүүлчдэд мэдээлснээр, шинжээчид дүгнэлтээ Аюулгүйн Зөвлөлд танилцуулах ажээ. Шинжээчдийн дүгнэлт ямар байхыг үл харгалзан уг халдлагыг зэмлэн буруушааж байна гэж тэрбээр нэмж хэлсэн байна.

“Персийн булангийн хурцадмал байдал халдлагын улмаас улам даамжирч болзошгүй тул энэ төрлийн үйл ажиллагааг нэн даруй зогсоох шаардлагатай. Мөн тус бүс нутагт мөргөлдөөн үүсэхээс сэргийлэх нөхцөлийг бүрдүүлэх хэрэгтэй" гэж НҮБ-ын Ерөнхий нарийн бичгийн дарга хэлжээ. 

 

Мэдээний талаар?

Онцлох мэдээ:

Сэтгэгдэл бичих:

Нэмэх